Од денеска стартуваат активностите за испитување на староста на Охридското Езеро.
Утврдувањето на точната старост и потеклото на езерото е токму главната цел на меѓународниот проект со работен наслов „Научна соработка за проучување на условите на специјација во Охридско Езеро“.
Според директорката на Хидрбиолошкиот институт во Охрид доктор Сузана Патчева, идејата за проектот се базира врз прелиминарните сеизмолошко-седиментолошки истражувања кои беа извршени во Охридско Езеро во периодот помеѓу 2004 и 2011 година.
Дупчењето ќе биде вршено на пет точки на езерското дно кои се избрани врз основа на претходно извршените сеизмички, седиментолошки и тектонски испитувања.
Проектните активности се планирани да траат шеесеттина дена. Опремата што ќе биде користена при дупчењата, како што велат во Хидробиолошкиот институт ги има сите потребни сертификати за квалитет и безбедност.
Во текот на склопување на платформата и дупчалката нема да има никакви градежни зафати од траен карактер. Целокупната опрема се третира како привремен увоз и по завршувањето на проектните активности ќе биде испратена назад до компанијата која е сопственик и подизведувач на активностите, рече доктор Патчева.
Супер радио