Дислокација на пазарот на половни производи кој се наоѓа пред спортската сала вети кандидатот за градоначалник од СДСМ Зоран Дамјановски.
– Овој пазар ќе се дислоцира на приватно земиште во продолжение на зелената зона од кејот во блиизна на „Митев мост“. На тој начин дислоцираниот времен пазар нема да влијае на сообраќајната инфраструктура, рече Дамјановски и додаде дека нема да има разлика во однос на сегашната и идната цена на закупнината.
Дамјановски уште еднаш вети економска зона во село Речица каде најави дека може да биде интересна за различни инвеститори, вклучително и за печалбарите од Авганистан.б Зоната, според Дамјановски ќе овозможи нови вработувања и развој на локалната економија.
– Нашите сознанија за бројката на повратниците не е прецизна и таа се движи од три до пет илајди луѓе кои оставруваат значителен приход и кои досега најчесто инвестираа во недвижности, поради што пазарот се засити и можеби следната страница во нивната инвестиција ќе биде токму во стопанството и економијата. Тоа е шанса за развој и нови вработувања, рече Дамјановски.