Разбојништво се случило утрово во казиното „Вегас“ на Качанички пат. Група од напаѓачи со автоматско оружје, испукале неколку куршуми кон засега непознати лица, потврдуваат од МВР за „А1он“.
До разбојништвото дошло кога четири вооружени лица влегле во казиното и почнале да пукаат кон присутните, при што го застрелале В.Х.(22) од Косово, кој починал на лице место. Разбојниците со кундек го удриле и 20-годишниот Б.Н. од с. Крушопек, скопско, кој бил ангажиран како приватно обезбедување, по што и тој почонал.
„Според пријавеното, потоа од касата го одзеле дневниот промет и заминале. Увид на местото извршила екипа од СВР Скопје и се преземаат мерки за пронаоѓање на сторителите и за расчистување на случајот“, велат од МВР.
