Компанијата Рено денеска соопшти дека во 2019 година ја бележи својата прва загуба за повеќе од една деценија.
Францускиот производител на автомобили, кој е во сојуз со јапонскиот Нисан, пријави загуба од 141 милиони евра како свој удел во финансискиот резултат на групата, делумно поради расходите поврзани со некои негови кинески мешовити фирми, но и скандалот околу Карлос Госно.
Нисан, во кој Рено има 43 проценти удел, исто така, придонесе за целокупниот негативен резултат, откако неделава извести за својата прва квартална загуба во речиси десет години и ја намали прогнозата за оперативната добивка.
Вкупната продажба на возила од групата на Рено минатата година падна за 3,3 отсто на 55,53 милијарди евра.
Компанијата ја намали целната оперативна маржа за 2020 година на ниво меѓу 3,0 и 4,0 отсто во однос на минатогодишните 4,8 отсто, и го намали предложениот износ на дивиденда за 2019 година за речиси 70 отсто од претходната година.
Акциите на Рено утрово на Париската берза паднаа за 4,3 отсто.
Рено за годинава предвидува пад на глобалниот пазар на автомобили и намалување на неговата продажба во Европа и Русија за околу 3,0 отсто.