Пратеникот во Европскиот парламент и поранешен лидер на “Алијансата на либералите и демократите за Европа” (АЛДЕ) Ги Верхофстад на “Твитер” напиша дека унгарскиот премиер Виктор Орбан треба да престане да ги финансира силите кои се против Европската унија и НАТО во Северна Македонија и Словенија.
Viktor Orbán is funding anti-EU and anti-NATO forces in Slovenia and North-Macedonia. High time to stop this! https://t.co/OW3Jg0uCim
— Guy Verhofstadt (@guyverhofstadt) February 11, 2020
„Виктор Орбан финансира анти-ЕУ и анти-НАТО сили во Словенија и Северна Македонија. Крајно време е ова да престане” напиша Верхофстад.
Овој став на европратеникот доаѓа по текстот на порталот “Нецензурирано”, дека медиуми во Словенија и Северна Македонија се финансираат од пари на компании кои се блиски до партијата “Фидез” на унгарскиот премиер Виктор Орбан.
Денеска и словенечката полиција потврди дека Националното биро за истраги води предистражна постапка за начинот на кој се финансираат одредени медиуми во земјата.