Јужнокорејскиот производител на автомобили „Киа“, во Женева претстави четири нови турбо ГДИ мотори, соопшти вчера компанијата.
Моторите ги следат најсовремените трендови во автомобилската индустрија, а тоа се намалување на работната зафатнина, помалата потрошувачка на горива и помала емисија на штетни гасови.
Новост е трицилиндричниот Капа 1.0 Т-ГДИ мотор, што развива 100 или 120 КС (исто како кај постојниот четирицилиндричен мотор) и овозможува 10 до 15 отсто помала потрошувачка на гориво.
Новиот Капа 1.2 Т-ГДИ е четирицилиндричен мотор со зафатнина од 1.248 сантиметри, а овој мотор ветува слични перформанси како постојниот 1,6-литарски мотор.
Со развојот на новата гама мотори 1.6 Т-ГДИ Гама од 1.591 кубни сантиметри ќе извлече 204 КС и 265 Нм обртен момент.
Најсилниот мотор ќе биде новиот 2.0 Т-ГДИ четирицилиндричниот Тета-II мотор со сила од 245 КС.