Продолжуваат активностите на градоначалникот Талески и во вториот круг, иако тој е кандидат од редовите на ДПМНЕ . Уште истиот ден по завршувањето на првиот круг се раскопаа нови улици, се донесоа нови бехатон-плочки до тротоарите, се поставуваат водоводни и одводни цевки, иако уште во првиот круг од опозицијата реагираа дека такви активности се недозволиви за време на изборна кампања.
Денес повторно реагираа од „Сојузот за иднината” во Битола:
“И покрај 8-те години на власт, во кои потрошија 200 милоини евра , а не знаеме за што, и покрај злоупотребите во највалканата изборна кампања во Македонија,Талески и ДПМНЕ повторно покажуваат, со парите на граѓаните, дека божем нешто работат и градат. Талески и ДПМНЕ продолжуваат да мачкаат очи со она што требаше, а не го сработија, за 8 години, иако добро знаат дека тоа е недозволиво во изборна кампања“, изјави Валентин Груески од „Сојузот за иднината“.
