Косовската Влада усвоила нацрт-документ со кој се определува начинот на организирање и надлежност на асоцијацијата на општините со српско мнозинство во Северно Косово, пишува весникот „Коха диторе“.
Весникот наведува дека вчера Владата усвоила едногласно и без разгледување нацрт-документ за стимулирање на меѓуопштинската соработка, во кој се определуваат областите, надлежностите и критериумите за таквата соработка.
Според информација на „Коха диторе“, областите за соработка се социјалниот и економски развој, развојот и користење на земја, градското и руралното планирање, заштитата на животната средина и развојот на туризмот, заштитата на културното наследство и развојот на меѓуопштинската инфраструктура.