Седиштето на Воената морнарица на Северноатлантскиот сојуз во Средоземно Море, затворено е во средата после 40 години работа и се сели во Нортвуд, Велика Британија, во склоп на прегрупирањето на вооружените сили на НАТО во Европа.
Базата вработуваше 180 припадници на воен персонал од 19 земји, а се наоѓаше на островот Нисида, спроти градот Неапол, на југот на Италија.
Сојузничката морнаричка команда “MЦ Неапол” од 1972 година беше задолжена за следење на пловидбата и комуникациите во Средоземното Море.
Нејзините членови имаа активна улога во заливската војна, во југословенските војни, а неодамна и во текот на либиската криза.
Во декември 2012, Здружениот команден центар, “JFC Неапол” од својата историска база во Бањоли, во близина на Неапол, се пресели во современи згради во истата област.
На островчето Нисида – што и на грчки значи островче, кое што го опишал и Хомер, се наоѓа затвор за малолетници. Сега веќе поранешните објекти на НАТО сеуште немаат нова намена.