Јапонскиот производител на автомобили „Нисан“ објави официјални фотографии од редизајнираниот модел „Микра“.
Компанијата „Нисан“ редизајнираната четврта генерација на „Микра“ ја претстави на Тајланд, а глобалната продажба ќе почне за неколку месеци.
Изменети се предната маска, изгледот на предните светла, браникот, задните ЛЕД светла, модифициран е задниот браник и магленките, како и тркалата.
Редизајнирана е и централната конзола во внатрешноста, а во понудата ќе има и нови бои и опрема.