До 17 часот одѕивот на гласачите на локалните избори во Македонија е 57,57 отсто, соопшти на прес-конференција потпретседателот на ДИК Субхи Јакупи.
Во Скопје излезноста е 53,08 отсто.
Одѕивот на денешните избори е поголем од претходните локални кога беше 48,73 отсто, како и од превремените парламентарни во 2011. кога до 17 часот на гласање излегоа 53,86 проценти од избирачите.
Потпретседателот на Државната изборна комисија Субхи Јакупи оцени дека изборите минуваат мирно, демократски и во духот на Изборниот законик.