Гласањето се одвива во фер и демократска атмосфера, без посериозни инциденти или покрупни проблеми, оцени премиерот Никола Груевски.
Тој, како што рече, очекува голема излезеност на граѓаните.
Пред малку го остварив моето гласачко право. Можам да забележам дека барем досега, до 14 часот и 30 минути, работите се одвиваат добро. Очекувам граѓаните во голем број да го искористат своето гласачко право и да гласаат за оној за кој сметаат дека треба да гласаат, а Македонија ќе продолжи да чекори напред, во следните проеки, во следните работи кои се предвидени да се направат за сите македонски граѓани, истакна премиерот Груевски кој гласаше на избирачко место во ОУ „Кузман Јосифовски Питу“.