Од 9.416 граѓани кои се на избирачкиот список, во Маврово-Ростуше до 13 часот изборачкото право го искористиле 1.988 граѓани или приближно околу 21 процент.
Според претседателот на ОИК Пејо Кироски, изборниот процес се одвива во фер атмосфера и без регистрирани неправилности на сите 30 избирачки места.
На овие избори, жителите на најмалата по бројност општина во Гостиварско имаат можност да ја изберат новата локална власт со гласање за една од четирите листи за членови на општинскиот совет и за тројца кандидати за градоначалници.