Според податоците на Државната изборна комисија објавени на нејзината веб-страницата, излезеноста на гласачите за локалните избори во скопските општини е меѓу 8 и 13 отсто.
Во општина Аеродром излезноста е 11,25 отсто, во Бутел 11,10, во Гази Баба 9,75, во Ѓорче Петров 11,31, во Карпош 12,01, Кисела Вода 12,33, Центар 11,20, во Чаир 8,16, во Шуто Оризари 10,80 и во Сарај 10,17 отсто.
До 10 часот, според официјалните податоци на ДИК, во Скопје гласале вкупно 48.497 лица или 10,75 отсто.
На локалните избори што се одржуваат денеска право на глас во скопските општини имаат 443.770 граѓани запишани во избирачкиот список на 536 избирачки места.