Со гласање на затворениците и на болните и изнемоштени лица денес започнаа локалните избори во Прилеп. Тие први гласаа за избор на градоначалници и општински советници.
Од страна на претставниците на избирачките одбори во Прилеп се спроведе гласањето кај болните лица и кај затворениците, чиј број изнесува 399, или 354 болни лица, кои не можеа да дојдат до гласачките места и гласаа во нивните домови во присуство на членови од изборната комисија, и 45 лица што издржуваат казна затвор во КПУ Затвор-Прилеп.
Избирачкиот материјал пристигна навреме и беше дистрибуиран до сите избирачки места.
Останатите 63 032 гласачи,од вкупно 63 431, ќе можат да го остварат своето право на глас во текот на утрешниот ден на 132 избирачки места во Прилеп во периодот од 7 до 19 часот.
Оние граѓани што немаат лични карти, за нив можеа да аплицираат и денес. Во МВР шалтерите беа отворени до 16 часот.
А.Ш.