Командата на кениските вооружени сили соопшти дека во петочниот терористички напад врз американска воена база во земјата биле ликвидирани и четворица терористи , јави телевизијата Си-Ен-Ен.
Според податоците на Африканската команда на американските вооружени сили, з ашто веќе пишувавме, во нападот загинале еден американски војник и двајца цивили, кои работеле за Пентагон.
Одговорноста за нападот ја презеде сомалиската исламистичка група Аш Шабаб.
Во соопштението на кениската војска се посочува дека нападот врз авионската писта во базата бил успешно одбиен, а потоа биле пронајдени и телата на четворицата убиени терористи.
Авионската писта се наоѓа во кениската провинција Ламу, што се граничи со Сомалија.