Хелсиншкиот комитет за човекови права на Република Македонија в недела ќе ја отвори канцеларијата на Kомитетот во текот на целиот ден со цел да им овозможи на граѓаните да пријават повреда на избирачкото право на изборите.
Хелсиншкиот комитет ќе ги проследи локалните избори преку отворената канцеларија за пријавување на повреда на избирачкото право, додека набљудувањето на изборите на терен ќе го оствари преку соработка со невладината организација „Цивил“ која е овластена да врши мониторинг на претстојните избори.
Доколку некој не е во состојба да дојде во канцеларијата на Хелсиншки, повреда на избирачко право може да се пријави кај означените набљудувачи на невладината организација „Цивил“ или пак на телефонскиот број: 02 3119 073 или преку електронска пошта на следниве адреси [email protected] или [email protected].
Хелсиншкиот комитет и невладината организација „Цивил“ упатуваат апел локалните избори да поминат во фер и демократска атмосфера со особено внимание на неповредливоста и тајноста на избирачкото право на сите граѓани.