Иранската морнарица денеска ги почна првите заеднички поморски вежби со Русија и Кина во северниот дел на Индискиот Океан.
Целта на четиридневните вежби е зајакнување на безбедноста во водите на регионот, изјави адмиралот на иранската морнарица Хосеин Ханзади.
Портпаролот на кинеското Министерство за одбрана Ву Чиан вчера изјави дека вежбите ќе „ја продлабочат размената и соработката на морнариците на трите земји“.
Тој информира дека во вежбите учествува и кинескиот ракетен разорувач „Сининг“.
Иранската телевизија наведе дека овие вежби покажуваат дека Иран не е изолиран, и покрај повлекувањето на САД од нуклеарниот договор што Техеран го постигна со светските сили во 2015 година и санкциите на администрацијата на Доналд Трамп против Техеран.