Европската зелена партија (ЕЗП) и изразува поддршка на политичката партија Демократска обнова на Македонија (ДОМ) на претстојните локални избори кои ќе се одржат на 24 март.
Во писмо од генералниот секретар на Европската зелена партија Жаклин Кремерс упатено до ДОМ се наведува дека ЕЗП ги поддржува сите партии кои го промовираат одржливиот развој, кои ги почитуваат човековите права и градат вредности на еколошка одговорност, слобода, правда, различност и ненасилство.
– На нас Зелените тоа ни е заедничко обележје. Сите ние се соочуваме со предизвици во нашите земји кои треба да ги преструктурираат на иновативен начин нашите општества, но и да ги одржат и засилат демократските основи и управувањето со нив. Сите кои работат на ова ја заслужуваат нашата постојана поддршка. Европската зелена партија ја поздравува одлуката на ДОМ за самостоен настап во 43 општини ширум Македонија. Вкупната бројка од 777 кандидати за советници ја сметаме за импресивна и го поздравуваме фактот дека на советничките листи има еднакво учество на мажи и жени кандидати, стои во писмото.
Од страна на Комитетот на Европската зелена партија, Кремерс на ДОМ и упатува желби за успех во последната недела од кампањата и на претстојните избори.
