Кошаркарите на Лос Анџелес клиперс го совладаа градскиот ривал Лос Анџелес лејкерс со 111:106 во натпреварот одигран ноќеска. До триумфот Клиперс дојдоа по резултатски пресврт во второто полувреме, откако првото Лејкерс го доби со 12 поени разлика (63:51).
Најдобар играч во победничката екипа беше Кавај Ленард со 35 поени, 12 скока и пет асистенции.
Во поразениот тим се истакнаа Кајл Кузма со 25 и Ентони Дејвис со 24 поени.
На другиот натпревар одигран ноќта меѓу среда и четврток, Њу Орлеанс го совлада Денвер со 112:100.
И покрај поразот Лејкерс се први во поредокот на Западната конференција со 24-7 (победи-порази), додека на Исток лидер е Милвоки со биланс 27-5.