Заменик-претседателката на собраниската Комисија за образование, наука и спорт Милева Ѓорѓиева денеска ја прекина работата на 42. седница поради тоа што во 11 часот е предвиден почеток на пленарна седница. Членовите на Комисијата за продолжението на оваа седница дополнителнно ќе бидат известени.
На седницата присуствуваше и заменик-министерката за образование и наука Елизабета Наумовска.
Димитар Стевананџија од ВМРО-ДПМНЕ реагираше што седницата почна со задоцнување од 30 – тина минути и предложи да се дополни дневниот ред со тоа што ќе се разговара за состојбата во македонското образовнието.
Тој информира дека повеќе пати ја барале и прозивале заменик-министерката Наумовска.
-Повеќе од две и полгодини ние бараме информација од МОН што има реализирано Владата во овие две и полгодини, рече Стевананџија.
Тој зборуваше за грижата за македонскиот јазик, за состојбата во студентските домови и праша што се случува таму, за недостигот на учебници, за превозот на учениците во Прилеп и Битола, за слабиот интерс за студирање на некои факултети и групи…
На дневен ред на оваа седница се Предлог-закон за образование на возрасните во прво читање и Предлог-законот за изменување и доплонување на законот за стручно образование и обука, по скратена постапка, во второ читање.