Победата на Мухамед Тачи е неизбежна во Чаир затоа ги молиме оние од ДУИ да не ги допираат нашите гласови, на голем број млади луѓе во општината, кои го прифаќаат исклучиво нашиот кандидат, рече претседатлеот на ДПА Мендух Тачи на вечерашниот митинг на партијата во Општина Чаир.
Според кандидатот за градоначалник на ДПА, Мухамед Тачи за Општина Чаир, ДУИ ќе го изгуби Скопје и секое место каде што живеат Албанците бидејќи, како што подвлече, во изминатите години немаат направено ништо за нив.
Вашето присуство овде, потенцира тој, значи стоп за оние кои прават зулуми во Чаир, а обичните граѓани во оваа општина од ден на ден живеат во се поголема сиромаштија, а насилниците се погатат.
– Ги молиме сите Албанци да се ангажираат за да ги вратиме оние од ДУИ онаму каде што почнале како крадци на дрвја и подрумски луѓе. На демократски начин ќе ги избркаме од политиката, а не со насилство, рече меѓу другото кандидатот за градоначалник на Чаир од ДПА, Тачи.
