Реализација на проектот за заштитата на сливот на реката Брегалница, најави државниот секретар во Министераството за животна средина и просторно планирање Соња Лепиткова.
На денешната прес-конференција во Кочани, Лепиткова го посочи значењето на овој проект за општината, бидејќи, како што рече, експерти ќе понудат нов начин на управување со сливот на Брегалница, а бенефитот ќе го осетат над 200 илјади жители од Источниот регион.
– Овој проект е од особена важност бидејќи е прв од ваков вид во Република Македонија, каде што се спроведува новиот Закон за води. Сите 11 општини од Источниот плански регион дадоа придонес во подготовката на мали проекти кои ќе добијат подршка од Швајцарската влада во вредност од 4,5 милиони франци. Владата на Република Македонија за оваа намена донираше возило, истакна Лепиткова.
Таа најави и изградба на пречистителна станица во близина на Кочани, проект финансикси помогнат од Швајцарската влада во вредност од 20 милиони франци.
