Премиерот Никола Груевски обидувајќи се да поентира на партискиот митинг во Штип, изнесе една реалност на штета на Битола и на неговата академска историја и традиција, изјави проф.д-р Томе Наумов, кандидат за советник од Сојузот за иднината за битолската локална самоуправа.
Развојот на нашиот Универзитет е сериозно запрен во последните неколку години. Денес академската заедница, во која учествуваат професорите, соработниците, студентите но и многу други општествени чинители, се наоѓаат во летаргија, непродуктивност, партизираност и без основни матерјални и финансиски услови, благодарејки на политиката на владата, предводена од Никола Груевски. Денес секој сериозен битолчанец ќе ви каже дека Битола ја оставата на маргините на општествените, економските, образовните, спортските и сите други развојни поместувања во нашата држава – изјави Наумов.