Три – де анимација на планираната детска градинка во Злокуќани прикажа на денешната средба со новинарите кандидатот за градоначалник на СДСМ за општина Карпош, Андреј Петров, со што, вели, се покажува дека нивната програма е реална, а не е само на хартија.
Според него, станува збор за еден сосема нов концепт на уредување на просторот, како дел од неговата и изборната програма на СДСМ, при што ги користат врвните технологии за уредување на просторот.
Она што денеска го презентираме претставува највисок свтески стандард на претставување на уредување на просторот – детската градинка во Злокуќани, која е во тродимензионална форма спуштена на постоечката локација, онаму кај што припаѓа, да диши заедно со просторт во кој што се наоѓа. Со ова сакаме на жителите на Карпош да им ставиме на знаење дека имаме една сериозна програма и дека ова е само почеток на низа вакви проекти кои ќе може да ги гледате во следните денови презентирани, како дел од оваа изборна програма. Програма, која на почетокот беше потценета, но, за среќа на граѓаните е реална, остварлива и многу подобра од онаа која ја нуди алтернативата, рече Петров.
