Амбасадорката од САД на Косово, Трејси Џејкобсон оцени дека косовските закони им даваат на српските општини извршни овластувања, па институциите на Косово не треба да се плашат од координирање на тие овластувања.
-Не сакам да коментирам како треба да изгледа и што треба да работи асоцијацијата на српските општини. Меѓутоа сакам да нагласам дека според Уставот и законите на Косово, општините имаат извршни овластувања – изјави Џејкобсон.
Според неа Уставот на Косово има за цел да обезбеди механизми кои ќе бидат во служба на потребите на општините.
Таа нагласи дека наредниот месец очекува позитивно движење во врска со постигнување договор на Косово и Србија, во дијалогот кој се одвива под капата на Брисел.
-До сега видовме дека разговорите на двете страни одат по добар пат. Верувам дека договорот ќе биде во согласност со Уставот на Косово – изјави американската амбасадорка на Косово.
Елена Георгиевска