Отпорот продолжува и одиме до крај до конечна победа, оваа тиранија и режим мора да се порази. Овие 7 години на смислен начин се инсталира нов вредносен искривен систем.
На 24. март имаме шанса да им вратиме се за седумтте години малтретирање, притисоци, газења, потценувања, за сите полициски и инспекциски казни без основ, за сите откази по партиски директиви, порача лидерот на СДСМ на митингот во општина Аеродром.
На 24. март оваа тиранија мора да плати, не направија земја во која по телефон не може слободно да се зборува, седум години безобразно лажат и манипулираат, затоа што МТВ Сител Канал 5 ги направија пералници за човечки мозоци, затоа што не направија светски првак во мизерија, заради сите блокирани сметки, активирани хипотеки судски извршители на нашите врати, затоа што со сила не делат на предавници и патриоти, затоа што испокараа брат со брат, татко со син, другар со другар. Колку поголеми патриоти се прават толку Македонија оди надолу.
На 24. март треба да платат за убиството на Мартин Нешковски, за монтираниот судски процес против Љубе Бошкоски, за тепањето студенти на скопскиот плоштад, за бруката со законот за бранители, на 24. треба да ги стигне народната казна и за 24. декември, за тоа што на криминален начин донесоа буџет, затоа што среде парламент тепаа пратеници и новинари, рече Црвенковски.
