Себастијан Фетел со Ферари даде најдобро време на втората тренинг сесија пред неделното Гран-при на Бразил во Формула 1.
Фетел го сврте најбрзиот круг на патеката „Интерлагос“ во 1: 09.217 минути и ги остави зад себе со 0,021 секунди тимскиот колега Шарл Леклер и со 0,134 Макс Верстапен со Ред Бул.
Светскиот шампион Луис Хамилтон со Мерцедес се најде на петтото место.
Сесијата заврши порано за пилотската двојка на Торо Росо – Даниел Квјат и Пјер Гасли. Автомобилот на Квјат се запали, а Гасли имаше проблем со моторот.