СДСМ најави проект за комплетна гасификација на Охрид до 2017 година. Проектот според досегашниот советник Томислав Тунтев предвидува гасификацијата да ги опфати јавните институции, стопански објекти и домаќинства во Охрид.
„Во првата фаза ќе бидат опфатени повеќе јавни, образовни и административни институции во центарот на градот, мгимназијата, ОУ „Григор Прличев“, централната детска градинка, средното Економско училиште, општинската зграда, како и домаќинства кои живеат во овој дел од градот. Во втората фаза е опфатена гасификација на населбите Христо Узунов и Даме Груев, а во третата фаза ќе бидат опфатени комплексот СЦ Билјанини извори“ рече Тунтев.