Денеска на прес конференција, Васко Ковачевски претстави дел од визија за подобра иднина на битолчани:
– Ќе понудиме концепт за јавно-приватно партнерство, што ќе поддржува идеи кои вработуваат најмалку 5 лица.
– На домашните и странските инвеститори бесплатно ќе им ги понудиме објектите и стопанските капацитети кои се вон функција, доколку истите бидат рестартирани и модернизирани во рок од една година, и каде би биле вработени најмалку 5 лица на одредена површина;
– Со цел привлекување на изградени брендови, секој претприемач кој ќе сака да склучи договор за франшиза со друга компанија, ќе има можност да конкурира за франшизинг заем. Вкупниот фонд за оваа намена ќе биде 300 илјади евра. Максималниот износ за преприемачот ќе биде до 30 илјади евра со една година грејс период, а остатокот ќе треба да биде вратен на 48 еднакви рати, без камати.
Овие и уште многу други мерки и решенија, ќе претставуваат значаен поттик за раздвижување на локалниот економски развој, во периодот после 24-ти март, кога општина Битола ќе ја води нова локална власт предводена од Менде Динески.