Пробивање на булеварот „Партизански одреди“ до кружниот тек кај црквата „Свети Петар и Павле“ со изгрдба на кружен тек кај Порта Влае и изработката на проект за продолжување на булеварот „Илинден“ кон Ѓорче Петров, вети кандидатот за градоначалник на Град Скопје на ВМРО-ДПМНЕ и Коалицијата „За подобра Македонија“ на вечерашниот мини-митинг во Ѓорче Петров.
Покрај тоа, на митингот на кој се претстави и кандидатот за градоначалник на општина Ѓорче Петров Сокол Миторвски, рече дека се предвидува и изградба на нов објект за СУГС „Кочо Рацин“, проширување на булеварот „4 Јули“, спојување на пешачката патека од стадионот „Македонија“ до Хром, проширување на улицата „Волковска“ и изградба на тротоари до последната автобуска станица на автобусот со број 22, како и проекти за подобрување на водоснабдувањето во повеќе населени места.
Потсети на дел од проектите што се реализираа во општина Ѓорче Петров во изминативе четири години како што се изградбата на двата кружни текови на улицата „Ѓорче Петров“ и кај црквата „Свети Петар и Павле“, пробивањето на вториот дел од улица „Македонска Војска“,…