Во киносалата во Домот на култура „Јане Сандански” вечер од 19 часот ќе се одржи настанот „Еден поинаков Хелоувин” на кој ќе бидат претставени и наградени трите најдобри цртежи и маски за кои претходно беа организирани конкурси.
Директорката Јулија Веселинска рече дека со музички перформанс на настанот ќе се претстават учениците од деветто одделение од училиштето „Ванчо Китанов”.
Во Пехчево неодамна беше прикажан и документарниот филм „Медена земја”, а за наредниот период Домот на култура „Јане Сандански” планира и неколку претстави и кинопроекции, како и завршен концерт на фолклорната група која работи во негов состав.