Пратеникот во парламентот на Србија, Риза Хаљими изјави дека доколку Србија и Косово постигнат договор со кој на Србите на Косово им се дадат поголеми права, отколку на Албанците на југот на Србија, ќе се загози регионалната стабилност, поради примена на двојни стандарди.
Хаљим за приштинскиот „Трибуна“ изјави дека во платформата која во сабота ја усвоија албанските претставници од општините Прешево, Бујановац и Медвеѓе е предвидено Албанците од тие општини, да бидат одлучувачки фактори во судовите, полицијата и образованието.
Тој побара Албанците да имаат исти права како и Србите на Косово, и додаде дека во спротивно може да дојде до нестабилност.
-Дијалогот во Брисел за Косово и Србија е концентриран на решавање на статусот на Србите на Косово, а занемарена е положбата на Албанците во Прешевската долина – изјави Хаљими.