Независниот кандидат за градоначалник и кандидатите за советници од опцијата „Кога ако не сега“, на средба со жителите од кумановската населба „Перо Чичо“, ветија изградба на неколку клучни улици во оваа населба, поставување тротоари, како и доизградба на канализација.
– Иако, станува збор за една од најстарите приградски наслеби во Куманово, во одредени делови од населбата потребна е доизградба на неколку улици, поставување тротоари и решавање на проблемот со канализациската мрежа. Ние во нашата програма строго се придржуваме до правилото, асфалт, вода и канал во секој дел од градот, рече Цветковски.
На жителите од оваа населба, им вети изградба на локални патишта кои ќе ги поврзат двата дела од населбата, како и изградба на пешачки мостови во месноста „Багрем Бања“.Цветковски вети отворање пезнионерски клуб и младински центар, како и реновирање на училиштето „Христијан Тодоровски Карпош“.