Од плашливиот човек кој „храбро“ нареди кршење на Устав и Деловник, бркање на опозициските пратеници и тепање жени, не ни очекував ништо повеќе од приземна политичка култура, плукање и лажење, му одговори Радмила Шекеринска на спикерот Трајко Вељаноски, кој во писмото до јавноста ја нарече пратеничката „испукан политички ќор-фишек“.
„Ако веќе ги коментираме делата и резултатите, едно е неспорно: додека јас како „ќорфишек“ според зборовите на Трајко, со мојата работа успеав да ја доведам Македонија до кандидатски статус во ЕУ, тој и неговите шефови веќе 7 години ја возат и држат во ќорсокак. Тоа, освен срамот од 24 декември, ќе биде единствен белег што го остави големиот Трајко“, рече Шекеринска.