Вработените во централната градска пошта во Битола утрово со задоцнување го почнаа првиот работен ден, откако екипи на битолската полиција не им дозволиле да влезат во работните простории заради истрага по констатирана тешка кражба.
Според првичните информации, украден е главниот сеф во кој се чувале парите на Битолската пошта.
СВР-Битола води истрага за овој случај, а се очекува во текот на денот да се соопштат и првите службени информации за тешката кражба во АД „Македонски пошти“, подружница во Битола.