Дали смее на општински сајт да се појавуваат партиски обележја. Прилепчани реагираат бидејќи на сајтот општина Прилеп е објавена информација за одржаното Годишно собрание на Здружението „Прилепски Мечкари“.
„Во знак на благодарност за досегашната соработка и поддршка беше доделена плакета од страна на градоначалникот на Општина Прилеп. Благодарници за придонес беа доделени на сите истакнати членови на ова прилепско здружение“, стои во информацијата.
Прилепчани укажуваат дека здружението е непартиска и невладина организација и на средбата не требало да се промовира програма на актуелен и кандидат за нов градоначалнички мандат. Велат сликата има партиско обележје.
„Општините се на граѓаните а не партиски испостави“, велат прилепчани.