Иницијативата на Албанците од југот на Србија не треба да ги загрози преговорите помеѓу Белград и Пришина, кои продолжуваат во понеделник, изјави Душан Јањиќ.
Тој истакна дека Албанците претходно излегле со барање да добијат ист статус како Србите на Косово, но затоа, ниту тогаш, ниту сега немаат поддршка од меѓунардоната заедница.
Тоа нема да ја поправи, ниту пак загрози приштинската, ни белградската преговарачка позиција, само што сега ситуацијата по прешевските и бујановските Албанци е нешто полоша, пред 28-ми ноември. Едноставно нема да добијат директна поддршка од Вашингтон и Брисел, со оглед на тоа што зедоа јасен став против што било, што наликува на обединување на сите Албанци во регионот – објасни тој.
Претседателот на координативното тело на југот на Србија, Зоран Станковиќ по повод иницијативата на Албанците од Прешево, Бујановец и Медвеѓе изјави дека мора да престане повлекувањето на паралелата со северот на Косово.
-Во таа смисла Албанците се рамноправни граѓани на оваа земја, еднаш мора да престане со повлекување на паралелата, бидејќи очигледно кога и да се отвори прашањето за северот на Косово, од југот на Србија се слушаат нови барање од албанските лидер – истакна Станковиќ.