Ракометната СЕХА лига ги одбраа најдобрите играчи и тренер месец за септември.
Во идеалните седум влегоа тројца членови од македонските претставници Вардар и Еурофарм Работник.
Од „црвено-црните“ место во најдобрите за минатиот месец најде крилото Тимур Дибиров, додека од битолскиот тим одбрани се голманот Николче Митревски и бекот Ловро Јотиќ.
Покрај ракометарите од македонските екипи, во идеалниот тим се наоѓаат уште Јовица Николиќ (Војводина), Дарко Ѓукиќ (Мешков Брест), Расмус Лауге (Веспрем) и Максим Бабичев (Мотор Запорожје).