Израелскиот премиер Бенјамин Нетанјаху го повика својот главен ривал, лидерот на сојузот на партии на центарот Сино-бело Бени Ганц и побара средба заради евентуално формирање влада на единство.
Средбата меѓу преговарачките тимови на Нетанјаху и Ганц е закажана за в среда во Кнесетот, кога започнува и судското сослушување на Нетанјаху за корупција, пренесува израелски Харец.
Преговарачките тимови на Ганц и Нетанјаху не успеаја да постигнат договор во неделата наутро, поради што актуелниот израелски премиер го повика Ганц, кој се наоѓа во Лондон и предложи двајцата ќе се состанат веднаш штом ќе се врати во Израел.
Претседателот Поувен Рувлин мандатот за формирање влада му го додели на Нетанјаху, откако за нов премиер го препорачаа 55 од вкупно 120 пратеници. Ганц имаше поддршка од еден пратеник помалку, но неговиот сојуз освои 33 пратенички места, едно повеќе од владејачката Ликуд.