Кандидатот за градоначалник на коалицијата „Заедно за Македонија“ и се уште актуелен градоначалник на Охрид Александар Петрески денешниот ден го искористи за да прошета на охридската чаршија и на припадничките на понежниот пол со еден цвет да им го честита презникот – Меѓународниот ден на жената – 8 март.
– Ја користам оваа прилика да им го честитам празникот 8 Март на припадничките на понежниот пол, им посакувам секој ден од годината да им биде весел и празничен како овој. Само да се погледне советничката листа на „Сојузот на иднината“ можете да се уверите за застапеноста на жената во нашите редови, како според бројот така и според местата на листата. Убеден сум дека жените работат чесно, мошне професионално и со повеќе емоции во сите активности, рече тој.
Петрески во рамки на прошетката низ чаршијата во Охрид го посети изборниот штаб на неговиот противкандидат од редовите на ВМРО-ДПМНЕ Никола Бакрачески, честитајќи им го празникот на активистиките на коалицијата „За подобра Македонија“.
