Изралците водат војна со роеви скакулци од Египет. Тие настојуваат да го спречат целосното уништување на житните култури во јужниот дел на земјата.
Агенциите јавуваат дека небото изгледа како да е покриено со темни облаци. Ова се случува три недели пред еврејската прослава Песаха. Скакулците преку ноќ прекриле околу 800 хектари пустинска површина. Израелците прскаат со пестици со авиони и на полињата.
Директорката на Одделението за заштита на житните култури во израелското министерство за земјоделство, Мириам Фреунд, рекла дека се работи за инвазии од средна величина.
„Се надевам дека нашите активности ќе бидат ефективни и штетата ќе биде минимална“, рекол еден од пилотите кои прскале над полињата.