Двајца американски туристи настрадаа денеска во мексиканското летувалиште Кабо Сан Лукас на пацифичкото крајбрежје, кога ги зафати џиновски бран, кој ненадејно се појави и ги повлече со себе во океанот.
Според мексиканските власти, 65-годишната жена загинала, а 70-годишниот маж бил пронајден во тешка состојба.
Додека се шетале на плажата во близина на природен камен лак, познат по својата убавина, бранот ги “собрал” и повлекол во океанот.
Воената морнарица ги пронајде и извади од водата. Жената е прогласена мртва, а мажот е во сериозна состојба.