По штабот за справување со кризи и владата денеска донираше пакети со облека, обувки и средства за лична хигиена, на поплавените 175 семејства во Куманово.
Помошта во текот на денот ќе им биде поделена на домаќинствата. Наредните денови очекуваме и поголема техничка стока, која ќе се даде на семејства. Затоа ги повикуваме корисниците кои живејат во близина на Центарот, во текот на неделата да ја подигнат оваа помош, а за оние кои се подалеку ние ќе им доставиме. Оние лица кои се запишани од Центарот за социјални работи ќе ја добијат неопходната помош – изјави директор на Центар за социјални работи од Куманово, Даниел Живачки, за „Куманово њус“.
На семејствата им се исплатени и по 15 илјади денари, а пакетите за помош се од Царинската управа и Агенцијата за управување со конфискуван имот.