Академскиот сликар Зоран Арсовски – Бабата од Куманово е првиот македонски академски ликовен уметник кој ќе реализира своја самостојна изложба во престижната “Галерија – Белградска тврдина“ на Калемегдан во Белград.
Изложбата ќе биде отворена на 22 Август во 18.00 часот и ќе трае до 10 Септември 2019 година а влезот за посетителите ќе биде слободен. На изложбата ќе бидат претставени шеесетина дела работени во техниката акрил.
Изложбата го носи насловот „Тектонски пореметувања“ тема која е актуелна за денешното време.
Проектот е избран од страна на стручното уметничко жири на Националната Установа “Галерија – Белградска тврдина" на годишниот конкурс за 2019 година.