Двајца кумановчани заработија кривична пријава за мачење малолетничка која ја принудувале на брак.
Според полицијата се работи за Р.А. (43) од селото Виштица и М.А. (25) од селото Бојане кои во текот на декември минатата година мачеле малолетничка од Куманово.
– Р.А. се договорила со М.А. да му ја даде за жена неговата ќерка, 17-годишната Р.А. по што ја однела во неговиот дом, каде се задржале околу девет часа, убедувајќи ја малолетничката да се согласи да стапи во брак со кумановчанецот, изјавија од полицијата.
Мајката на враќањето кон селото Виштица физички ја малтретирала ќерка си, удирајќи ја во пределот на лицето, бидејќи таа не се согласила да стапи во брак со 25-годишниот кумановчанец.