Од Србија лани е извезено млеко, млечни производи и видови сирења во износ од 70 милиони долари, а увезено за 50 милиони долари, изјави советникот во Стопанската комора на Србија Ненад Будимовиќ, јави Танјуг.
– Во нашите извозни активности најзастапени беа државите потписнички на ЦЕФТА – Македонија, Босна и Херцеговина и Црна Гора, а во 2012 најмногу се увезувало од ЕУ, рече Будимовиќ.
Тој прецизира дека во Србија минатата година се произведени 3,6 милиони хектолитри пастеризирано млеко, и 1,06 милиони хектолитри стерилизирано млеко.
Произведени се 916 тони полномасно млеко во прав, 730 тони обрано9 млеко во прав, 2.101 тони путер и 4.381 тон млечен намаз, додаде тој.