Венецуелскиот претседател во моментот оди на хемотерапија и е „во добра состојба“, изјави синоќа потпретседателот на земјата Николас Мадуро.
Тоа е првото соопштение за лекување на Чавез во воената болница во Каракас, каде беше примен по враќањето од Куба минатата седмица. Во декември во Хавана тој претрпе четврта операција од рак. Чавез бил подложен на трахеотомија и интубација, за да се олесни неговото дишење по респираторната инфекција.
Вчера братот на претседателот брат Адан Чавез ги демантираше гласините дека Чавез починал.