Охридското Езеро наскоро ќе добие монтажни пристаништа долж крајбрежјето.
Монтажни пристаништа, ќе бидат поставени од страна на компанијата „Еуроинг“ од Гевгелија на плажите Љубаништа, Магнус, Куба Либре и Немо во Охрид и едно на градската плажа во Струга.
Пристаништата ќе бидат со должина од 10 до 12,5 метри и широчина од 2,4 до 4 метри.
На нив ќе има можност да се инсталира осветлување, гумени одбојници за бродовите и скали за пристап до пловилата, а исто така би можело да се постави и пумпа за точење гориво, објави Охридпрес.