Претседателот на собранискиот комитет за Косово и Метохија, Милован Дрецун, изјави дека пред два месеци е формиран моќен разузнавачки тим, кој е маскиран како голем западен производител на автомобили во Скопје, чија тајна акција е насочена кон блокирање на постигнување компромисно решение помеѓу Белград и Приштина.
Дрецун, за српски Курир изјави дека тимот се состои од разузнавачи од Бугарија, Албанија, Северна Македонија и Германија.
Тој истакна дека силна кампања против постигнувањето било каков компромис меѓу Белград и Приштина се одвива во некои соседни земји, додавајќи дека Северна Македонија станува центар за моќни разузнавачки информации против интересите на државата Србија.
“Секое постигнување на компромисно решение е камен-темелник на стабилизацијата на овој регион, а недостатокот на компромис помеѓу Белград и Приштина е подготовка за нови конфликти во регионот и создавањe „голема Албанија”, рече Дрецун.
Тој истакна дека македонските власти мора да одговорат која е целта на формирањето на разузнавачкиот тим чија цел е целосно да и наштети на Србија.
“Она што сега можат да направат е да се соберат информации и да шират дезинформации. Тимот не е формиран за да ги заштити нашите интереси, туку да го направи спротивното. Тоа не е нималку наивно, може да спроведат некои медиумски или политички доверзии, дури и да предизвикаат конфликти”, предупреди Дрецун.